--------------------------------------------------------------------------------
غلطة حياتي
صدقني بنسى قبل لا أنا أو الوقت يقسى
بنسى إني عرفتك
وبنسى إني في يوم شفتك
بنسى الجراح
وبنسى كل اللي راح
كتبت لك أدري
وخنت نفسي فيك أدري
طاوعت لذاتك
وخوفك وحسراتك
وكنت تبيني لك حبيب
ومعشوقك والطبيب
وكنت أنا الحاضر والماضي
واللي عن عينك ما يغيب
وللأسف ضاعت أحلامي بغفواتك
وفي لعبك وهفواتك
وفي جورك وغلطاتك
وهذا أنا برحل لجل أنسى
وأكيد أبنسى
من تعذبت بغلاه
وحبه وأشواقه
واسمحلي بوداعك
دام أنا من أعز أحبابك
وبكون أنا الماضي
وفي رحيلي بودع أصحابي
ولكن قبل أودعلك
بعاتبك
ومن حقي
وحق الغلا اللي كان
وحق المحب والولهان
وحق الإنسان للإنسان
وللأشجان والحرمان
بعاتب فيك الكلمة
ونظراتك والبسمة
وبعاتب فيك وجداني
وأحزاني
وقلبي وكياني
وبعاتب فيك ظلمك
وبعدك وغدرك
وبعاتب فيك أيامي
وكل حرف نزف بإلهامي
وحكمك الدامي بموتي وإعدامي
وبعاتب فيك نفسي
ويومي وأمسي
وهذي لك ماهي خساره
هذي مكر وشطاره
وبعد كل هذا بعاتب فيك سؤالك
تعتقد كل ما كتبت أوهام
وماهو من واقع خيالي والأحلام
يا خساره
نزفت لك دم
وكل هذا كان وهم
للأسف والله خسرتك
وخسرت بوحك وصمتك
ومن قلبك تسأل هذي كتاباتك
وعلى فكره فعلا بودعك
لأن للأسف كنت أنا الغلطان
وماهي غلطة في حساباتك