ما انسى اني اهواى لوطلقة بالراس
جوة القبر ذكراه تنطيني انفاس
جرح الغرب يا صاح ما منة طيبة
ولو طحت وانته هناك ما هي غريبة
ببعدك يا ضي العين تدري شجرالي
خانگت كل الناس لو تدري حالي
انته ملكت الروح والگلب بيدك
ولو عذبتني وياك هم ابقى اريدك
اعمى وعماني الدهر وبعيوني ما اشوف
من جبتوا طاري هواي گمت ازحف زحوف
بالتليفون تالي الليل سمعني حسك
لولا القلت والقال لعبر وونسك
ليش الحلو محبوب من دون اصدقاءة لو كتل عشرة بيوم يطلع براءة
تسألني كل الناس عن امنياتي اتمنى بس وياك تخلص حياتي
مو من مرض ونيت من كثر الفراك صدكني كلبي عليك كل لحظة يشتاك
.....(بين الجرف والماي حنطة زرعوني ............لا كالو الله وياك ولا ودعوني) ...........
شنو هالجمال البيك خبرنا عنة
شايل جمال الكون شمخلي النة
الكلب لوينساك للسوك اجيبة
واكتب عليه للبيع خاين حبيبة