صرنه ابلايه ناس اتعيش ويانه
هجت ناسنه وبـغداد حيرانه
ويــن انروح ياهوه التمنانه
كلهة اتكَول ماريد العراقي انه
واحنه بلاهدم بجساد عريانه
شو نصها لجوء ونصهة زهكَانه
وشلون العراقي ايضيع عنوانه
من كثر الحزن مصبوغه حيطانه
يوميه ابسواد الحايط اقرانـه
اقرا الفاتحة اعلا ارواح موتانه
عفيه ارواح عدنه اشكثر تعبانه
جبنـاهة حروب وضيم دنيانه
بدلنه الفرح بحزان بيبانه
يموت ابلا ضمير اشلون انسانه
ولموته لطم وعليه حزنانـه
كلهه اتحزمت وتنوح ويانه
امس صحبانه تمشي وياه فرحانه
هسه اشلون ترضا بحال صحبانه
مجهول الـهويه وبيه نيشانه
يا دنيه تريضي أعداي شمتانه
جّانو عندي عشر ه وصفت بس انه
ما مليتي منه اشبيج عدنه اكَبور مليانه
جّا وين اليموت اندفنه مو حيران بمجّانه
ما ظن الـوطن يتحمل الميتين خوانه
يعني اشلون نــدفن فوكَ موتـانه
لو ضاكَت علينه الوسعه ياهوا التمنانه
شو كلهة صفت عدوان حته الجار عادانه
وين انولي وين انروح بس لا ربنه ينسانه
مو عدنه يتامه هواي جّا يمته يجي سرانه
اشوف الوطن بس اكبور اكــــولاً حيل ويانه
هيجّ الوكَت سوانه يا دينيه اشبيج ويانه
يادنيه اشبيج ويانه هيجّ الوكَت سوانه؟
الرئيسية 
أحدث الصور 
التسجيل 
دخول 
موضوع: يادنيا شبيج ويانه 
الأحد نوفمبر 11, 2007 4:57 pm
